كنافه عثمليه بلقشطه جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- 0.5 كيلو كنافه شعر
- كاسه سمنه كبيره
- قشطه
- القطر
- كاسه ونص سكر مع 3 /4 كاسه مي ورشه حمض ليمون وملعقه ماء زهر
- ملعقه ماء ورد
- فستق للزينه
- 1 منفرد الكنافه منفككها عن بعض ومنقطعها بايدينا ومنضل منفردها منحط عليها نص كاسه السمنه منضل نبوشها مع بعض منقسم الكنافه قسمين متساوين مندهن صينيه فرن مدوره والاحسن تكون تيفال بلسمنه ومنبلش نحط شعيرات الكنافه مع الضغط عليها منوزع على وجها سمنه ومندخلها فرن حامي حتى تتحمر لازم نضل منتبهين عليها لانو بتحترق بسرعه
- 2 منطلع الصينيه من الفرن منصفي السمنه يلي عليها لانو كميه السمنه يلي حطينها منشان تتحمر الكنافه يعني لاتخافو منها بترجع بتنزل
- 3 منكرر الخطوه ومنرجع منحط السمنه يلي صفيناها على وجه الكنافه ومنحط السمنه الباقيه ومندخلها فرن تتحمر
- 4 قطر منغليه ومنتركو يبرد منسقي صينيه الكنافه الاولى بشويه قطر ومنتركها تبرد منحطها بصحن التقديم ومنحط على وجها قشطه الكميه يلي بتحبي انا استعملت قشطه بلديه فيكي تعمل قشطه بلبيت
- 5 بس تتحمر الصينيه التانيه منصفي السمنه يلي نزلت منها ومنسقيها بشويه قطر
-
6
منحطها فوق القشطه ومنرجع منسقي القطر فوق الكنافه حتى تتبلغ كلها ومنزينها بلفستق الحلبي وقشطه وبلعافيه
- 7 القطر منحط السكر وفوقو المي ومنتركن يغلو ع نار هاديه خمس دقايق بعدين منحط رشه حمض الليمون او عصره ليمون ويغلي دقيقتين وبعدين منطفي الغاز ومنضيف ملعقه صغيره ماء الزهر وماء الورد
يجب عليك تسجيل الدخول لتتمكن من التعليق وإضافة تجربتك لهذه الوصفه
