بروستد صدورة الدجاج جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. هاي الوصفة طيبة كتيرررر أنا بعملها مع تبولة بالعزومات وسهلة بس لازم تحضريها قبل بنهار بس بس بدك تعمليها مارح طول عليكن وهاي المقادير ....
- كيلو صدورة دجاج
- فنجان زيت أبيض
- 3 أو 4 ملاعق كبار خل تفاح
- رشة فلفل أسود
- رشة شطة حمرة
- رشة كزبر يابسة
- رشة بهارات مشكلة
- ملح حسب الرغبة
- دقيق
- 4 حبات بيض
- كعك مطحون أو رقائق الذرة أو خبز محمص مطحون حسب المادة المتوفرة عندك
- زيت للقلي
- 1 أول شي فيكي تقطعي صدورة الدجاج مكعبات أو أصابع أو خليهن ع وضعن حسب رغبتك
- 2 أخلطي صدورة الدجاج بالزيت والخل والبهارات + الفلفل + الشطة والكزبرة اليابسة والملح (بعد ماتخلصي غطيهن وحطيهن بالثلاجة لثاني يوم)
- 3 بعد ما ذاب الثلج عنن بتكوني جهزتي صحن في دقيق وصحن في بيض مخفوق وصحن كعك مطحون
- 4 أول شي بتغلفي قطعة الدجاج بالدقيق بعدين بالبيض وآخر شي بالكعك وهكذا لحتى يخلصو..... الخ
- 5 هنا وأخيرا يا جميلتي بتكوني جهزتي زيت القلي بتقلي صدورة الدجاج ليصيروا ذهبيات وبتقدميهن مع بطاطا مقلية ومايونيز وكاتشب أو تبولة وألف صحة وهنا انشالله كون ساعدتك
يجب عليك تسجيل الدخول لتتمكن من التعليق وإضافة تجربتك لهذه الوصفه
