طاجن نجرسكو بالفراخ جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- 0.5 كيس مكرونة فوتشيني و إذ لم تجدي فوتشيني يبقى مكرونة قلم
- 0.25 كيلو فراخ فيليه
- 2 بصلة
- 2 فلفل رومي
- توابل بودرة توم،بودرة بصل،زعتر،ريحان،ملح،فلفل أسمر،قرفة مطحونة
- شرايح زيتون
- جبنة شيدر
- جبنة رومي
- 2 مكعب مرقة دجاج
- 0.5 كيلو حليب
- 2 معلقة كبيرة دقيق
- معلقة سمن
- 2 بيضة
- معلقتين زيت
- معلقة كبيرة بقدونش مقطعة صغير
- 1 طريقة تحضير صوص البشاميل
- 2 نسخن الحليب و نضع فيه مكعبين مرقة الدجاج إلى أن يذوب و نسخن السمنة في حلة و نضيف الدقيق ونقلب جيدا حتى يتغير لون الدقيق للون الأصفر ثم نضيف الحليب بالتدريج ونقلب جيدا بعيدا عن النار و نرجعه على النار تاني مع التقليب(لو البشاميل كلكع معاكي اضربيه في الخلاط و رجعيه على النار تاني) واستمري في التقليب،و إحنا بنقلب نضيف جبنة شيدر مقطعة صغير مع جبنة رومي مبشورة و فلفل أسمر إلى ان يصل للقوام المطلوب
- 3 طريقة تحضير النجرسكو
- 4 نسلق المكرونة في مية فيها ملح و قليل من الزيت نحضر فلفلة رومي و نقطعها مربعات متوسطة بالمقص،عند غليان الماء نضيف المكرونة والفلفل الرومي
- 5 نقطع صدور الفراخ شرايح صغيرة و نكون متبلينها بمية بصل لمدة نص ساعة(نبشر بصلة و نعصرها و ناخد ميتها و نضيف عليها ملح و فلفل اسمر و ليمونة)
- 6 نفرم بصلة في كبة و في طاسة نضع معلقة سمنة و عليها شرايح الفراخ المقطعة و نشوحها و نضيف لها التوابل السابق ذكرها مع فلفلة رومي مقطعة صغير ونقلبها،قبل ماتستوي نضيف البصلة(ضفنا البصلة في الأخر عشان بتدي طعم مسكر مفيهوش ملح ولها طعم مختلف غير لما نحطها في الأول)
- 7 بعد تصفية المكرونة من مية السلق نضيف عليها جزء من الزيتون ونكون فرمناه في الكبة ونضيف الفراخ و نقلبهم كويس
- 8 نضرب بيضة و نضيفها على صوص البشاميل و نخلط جزء صغير من الصوص على المكرونة و الفراخ
- 9 نحضر الطاجن ندهنه بالشاميل نرص فيه المكرونة بالفراخ وعلى الوش نضيف باقي صوص البشاميل و نزينه بطرنشات زيتون و معلقة البقدونس على الوش نضرب بيضة و نحطها على وش الطاجن عشان الوش يحمر
- 10 ندخل طاجن النجرسكو الفرن على درجة حرارة ١٨٠ حتى تصل للون الدهبي الجميل و بالهنا
يجب عليك تسجيل الدخول لتتمكن من التعليق وإضافة تجربتك لهذه الوصفه
